 |
 |
Gecemiz.az |  |
 |
Bu səhifənin düzgün adlandırılmaması və ya Azərbaycan dilində olmadığı, adın Azərbaycan dilinə düzgün tərcümə (transliterasiya) edilmədiyi və ya adlandırmada orfoqrafik səhvə yol verildiyi ilə bağlı şübhələr var. Bununla bağlı öz fikirlərinizi məqalənin müzakirə səhifəsində bildirin. Düzəliş etdikdən sonra bu şablonu məqalədən götürməyi unutmayın. |
Butik hotel (kiçik mehmanxana) - otaqlarının sayı 10 ilə 100 arasında olan kiçik mehmanxanalar üçün Şimali Amerika və Birləşmiş Krallıqda işlədilən termindir. Xüsusilə, son illərdə, olduqca məşhur olan, bir çox insan tərəfindən seçilən və hər keçən gün sayları artan, butik hotellər, həm 5 ulduzlu hotellərdən, həm istirahət yerlərindən, pansion və həm də motellərdən fərqli bir anlayışa malikdir. Butik hotellərdə, otaq sayı azdır, 5 ulduzlu hotellərdə, ya da istirahət yerlərindəki kimi yüzlərlə otağı olmur. Belə hotellər kiçik olmalarına baxmayaraq hər bir şəraitə malik olurlar və keyfiyyətli xidmət göstərirlər. Bu hotellər, qonaqlarına lüks və bənzərsiz, unikal bir yaşayış mühiti təqdim etməyi hədəfləyən müəssisələrdir. Butik hotelləri digər böyük hotellərdən fərqli edən xsusiyyətlər lüks və fərdi yaşayış, xidmət və xüsusi fəaliyyət imkanı təmin etmələridir. Buna görə, butik hotellər: struktur xüsusiyyəti, memarlıq layihələndirilməsi, mebel, dekorasiya, bəzək və istifadə materialları ilə xarakterizə olunan, orijinallığı ərz edən, müəssisə və xidmət cəhətdən üstün standart və yüksək keyfiyyətdə, təcrübəli, mövzusunda təhsilli işçi heyəti və ya təlim keçmiş kadr ilə şəxsə xüsusi xidmət verilən müəssisələrdir.[1]
Butik qonaqlama sektorunun, ortaya çıxışı, yaranması və sürətlə artmasının səbəbləri, bir-birini dəstəkləyən xüsusiyyətdə, iki fərqli fikirlə, açıqlanmaqdadır. Bunlardan ilki, hotellər şəbəkəsinin yayılması, yerləşmənin sistematik olaraq standartlaşdırılması, müştərilərin daha xüsusi, orijinal və yaradıcı xarakterə sahib olmasını, yerləşmə xidmətlərinə yönəlməsini təmin etmişdir. Digər fikir isə, cəmiyyətin sosial, ictimai və mədəni inkişafına əsaslanır. Butik hotellərin yaranması 1980-ci illərə əsaslanır. Ilk nümunələrinin Londonda 1981-ci ildə açılan Blakes Hotel, Nyu-Yorkda 1984-ci ildə açılan Morgans Hotel və San Fransiskoda Bedford Hotel olduğu ifadə edilməkdədir. Termin olaraq ilk dəfə 1984-cü ildə Stiv Rubel tərəfindən biznes ortağı Yan Şraqer ilə birgə qurduğu Morgans Hotelini butiklə müqayisə edərkən işlənmişdir. Lakin, bununla birlikdə, Morgans Hoteli haqqında danışarkən, ilk dəfə "butik" anlayışını istifadə etdiyi və beləliklə, Amerikadakı nümunələrin, butik hotellər olaraq göstərildiyi ifadə edilməkdədir.[2]
"Butik hotel", hər şeydən əvvəl, fərdilik deməkdir. Bir çox hotellərdən fərqli olaraq, "butik hotellər" fərqli xüsusiyyətlərlə təchiz və dizayn edilmiş hotellərdir. Eyni zamanda, bu tip hotellər, həmçinin digər lüks hotellərin, xüsusi dizaynı və xidmətlərindən də, fərqlənir. Çox butik otellər müxtəlif trendlərə uyğun, müasir stildə, yaxud özəl dizaynla hazırlanmış mebellərlə tam təchiz edilmiş olurlar.[3] Tarixi 1980-ci illərdən başlayan bu gənc sektor beynəlxalq hotelçiliklə məşğul olan şirkətlərin marağını cəlb etdi. Hotel bazarında pay rəqabətinə səbəb olması nəticə etibarilə onun populyarlığının artmasına stimul verdi.[3] Amerika Birləşmiş Ştatlarında belə xırda hotellər Manhetten bölgəsində daha sıx yayılıb. Nyu-York butik otellərin yerləşdiyi əsas mərkəzi hesab olunur.[4] Mehmanxana sahibləri bu tipli xırda hotellərə yatırım qoyarkən lüks baxımından "ağ etmirlər", daha az xərclə başa gələn və müştərilərə daha ucuz xidmətlər təklif edən beynəlxalq otellər inşa edirlər.[5] Butik mehmanxanalar London, Nyu-York, Mayami və Los-Anceles şəhərlərində çoxluq təşkil etsə də, kurort bölgələrində də, rast gəlinir. Müştərilərinin həm dincəlib, həm zövq almasına imkan yaratmaq üçün masaj, spa xidməti, yoqa təlimləri və rəsm dərsləri kimi yerli turistik xidmətləri də təklif edirlər. Butik hotellərdə, ümumiyyətlə müəssisə, məkan sahibi tərəfindən aparılır. Burada az sayda, işci heyəti vardır və insana xüsusi xidmət verilir.[6]
 |
 |
GECEMIZ.AZ |  |
 |
|