 |
 |
Gecemiz.az |  |
 |
Muxtar Mahmud oğlu Məlik-Aslanov (az. Muxtar Mahmud oğlu Məlik-Aslanov; 27 yanvar 1927, Tuğ, Azərbaycan SSR, ZSFSR, SSRİ – 20 sentyabr 1996, Bakı, Azərbaycan Respublikası) — avtomatlaşdırma sahəsində Azərbaycanlı sovet alimi, Azərbaycan Respublikası Dövlət Yanacaq Komitəsinin Sədri (indiki Azərbaycan Respublikası Energetika Nazirliyi), SSRİ Dövlət Mükafatı laureatı.[1][2][3]
| Muxtar Aslanov | |
|---|---|
| Muxtar Mahmud oğlu Məlik-Aslanov | |
 | |
| Doğum tarixi | 27 yanvar 1927 |
| Doğum yeri | Tuğ, Azərbaycan SSR, ZSFSR, SSRİ |
| Vəfat tarixi | 20 sentyabr 1996 (69 yaşında) |
| Vəfat yeri | Bakı, Azərbaycan Respublikası |
| Dəfn yeri | |
| Həyat yoldaşı | Solmaz xanım |
| Uşaqları | Rüfət, Afaq, Gülnarə |
| Atası | Mahmud |
| Anası | Nabat xanım Məlik-Yeqanova |
| Elmi dərəcəsi | |
| Mükafatları |
  |
Muxtar 1927-ci il yanvarın 27-də Tuğ kəndində anadan olmuşdur. Qədim və nəcib Qarabağın zadəgan Məlik-Aslanovlar ailəsindəndir.
30-cu illərin repressiyaları zamanı ailəni respublikanın cəza orqanlarının diqqətindən bir növ qorumaq üçün atası Mahmud Məlik-Aslanov "Aslanov" soyadını götürməyə qərara gəlir.[4]
1944–1949-cu illərdə Azərbaycan Sənaye İnstitutunda (indiki Azərbaycan Dövlət Neft və Sənaye Universiteti) təhsil alıb.
O, 1955-ci ildə Sovet İttifaqı Kommunist Partiyasının üzvü seçilir.
Muxtar 1949-cu ildə ali təhsilini bitirir və neft mədənlərində texnik, mühəndis, baş mühəndis, idarə rəisi vəzifələrində işləyib, həmçinin Sumqayıt və Bakının neft-kimya sənayesində rəhbər vəzifələrdə çalışıb. Həmin ildə Azərbaycan Sənaye İnstitutunun aspiranturasını qəbul olunur.
Sumqayıtda 1958-ci ildə yeni təşkil olunmuş "Neft Kimya-avtomat" Eİİ-də aparıcı mühəndis, laboratoriya rəhbəri və şöbə müdiri vəzifələrində çalışıb.
O, 1959-cu ildə Azərbaycan Sənaye İnstitutunun texniki elmlər namizədi elmi dərəcəsini alır və baş elmi işçi adına layiq görülüb.[5]
Təhminən 1959-cu illərin sonlarında Neft mədənlərinin avtomatlaşdırılması üçün sistemlərin və alətlər kompleksinin yaradılması və tətbiqi sahəsində, "Nefteximavtomat" Elmi-Tədqiqat Layihə İnstitutunda (Bakı) yerlərdə mütəxəssis işləmiş, burada neft sənayesində avtomatlaşdırma və hesablama texnikası kompleksinin tətbiqi üzrə məsul şöbə müdiri olmuşdur.
Sovet ittifaqı komunist partiyası mərkəzi komitəsi və SSRİ Nazirlər Sovetininnin 6 noyabr 1969-cu il tarixli qərarı ilə, Muxtar Sovet İttifaqının neft mədənlərində geniş miqyasda avtomatik və telemexaniki qurğuların yaranması, istehsalı və tətbiqi sahəsindəki böyük xidmətlərinə görə Muxtar SSRİ Dövlət Mükafatı laureatı adına layiq görülüb.[2][4]
Həmçinin 40 elmi əsərin və 10 ixtiranın müəllifidir, bəzi ixtiraları xarici ölkələrdə patentləşdirilmişdir.[1][5][6][7]
"Azərneft" və "Azərdəniz" neft birliklərində fəaliyyətinə görə Azərbaycan SSR Əməkdar Mühəndisi fəxri adına layiq görülmüşdür.[4]
14 aprel 1992 – 09 sentyabr 1992 Azərbaycan Respublikası Dövlət Yanacaq Komitəsinin Sədri (indiki Azərbaycan Respublikası Energetika Nazirliyi) vəzifəsində çalışıb.[3][4]
Həyat yoldaşı Solmaz xanım Əliməmməd qızı Məlikova (15 noyabr 1931, Bakı – 20 avqust 2002, Bakı).
Övladları: Rüfət (12 yanvar 1959, Bakı), Afaq (23 iyun 1965, Bakı), Gülnarə (14 iyun 1968, Bakı).
Azərbaycan Xalq Cümhuriyyəti Həmkarlar İttifaqının birinci Sədri, Lənkəran qəzasının Qeneral-qubernatoru Cavad bəy Məlik-Yeqanovun bacısı oğludur.
Böyük qardaşı İsmət tanınmış həkim idi.
Bacısı Leyla xanım Azərbaycanın Milli Qəhrəmanı Salatın Əsgərovanın analığı olub.
 |
 |
GECEMIZ.AZ |  |
 |
|