 |
 |
Gecemiz.az |  |
 |
XXXTentacion (əsl adı: Casey Dueyn Rikardo Onfroy; 23 yanvar 1998[1], Planteyşen, Brauard dairəsi, Florida, ABŞ[1] – 18 iyun 2018[1], Dirfild-Biç, Brauard dairəsi, Florida, ABŞ[1]) — ABŞ repçisi, müğənni-mahnı yazarı.[4] İctimaiyyətə geniş şəkildə məlum olan hüquqi problemləri səbəbindən mübahisəli şəxsiyyət kimi tanınmasına baxmayaraq, X qısa müddətli karyerası ərzində depressiya və özgələşmə mövzularını əks etdirən musiqisi ilə gənc dinləyicilər arasında böyük nüfuz qazanmışdır. O, 2010-cu illərin ortaları və sonlarında emo rep və "SoundCloud" rep janrlarının formalaşmasında aparıcı simalardan biri hesab edilirdi.[5]
| XXXTentacion | |
|---|---|
.jpg) | |
| Ümumi məlumatlar | |
| Doğum adı | Jahseh Dwayne Ricardo Onfroy |
| Ləqəbləri | XXXTentacion, XXX, Triple X, Young Dagger Dick[2], X |
| Doğum tarixi | 23 yanvar 1998[1] |
| Doğum yeri | |
| Vəfat tarixi | 18 iyun 2018[1] (20 yaşında) |
| Vəfat yeri | |
| Vəfat səbəbi | güllə yarası[d][1] |
| Dəfn yeri | |
| Uşağı |
|
| Musiqiçi məlumatları | |
| Fəaliyyəti | repçi, müğənni, mahnı yazarı[d], YouTuber |
| Fəaliyyət illəri | 2013–2018 |
| Janrlar | hip-hop[d], lou-fay, nyu-metal, trep, pank rok, pank rep[d], Rep-metal, alternativ rok, müasir R&B[d], hardkor hip-hop[d], horrorkor[d], indi-rok, rok |
| Musiqi alətləri | gitara, piano, baraban |
| Albom şirkətləri | Bad Vibes Forever[d], Empire Distribution[d], Capitol Music Group[d], Columbia Records |
| Təhsili | |
| Üzvlüyü |
|
| Mükafatları |
   |
 |
|
| xxxtentacion.com | |
 Vikianbarda əlaqəli mediafayllar | |
Florida ştatının Planteyşen şəhərində dünyaya gələn X həyatının erkən dövrlərini, əsasən, Loderhill şəhərində keçirmişdir. Yetkinlik yaşına çatmayanlar üçün nəzərdə tutulmuş islah müəssisəsindən azad edildikdən sonra musiqiyə yönələn X, 2013-cü ildə "SoundCloud" platforması vasitəsilə peşəkar musiqi fəaliyyətinə başlamışdır. O, üçüncü dalğa emo və qranj janrlarından ilhamlanaraq, təhrif effektləri və ağır gitara instrumentalları kimi qeyri-ənənəvi üsullardan istifadə etməklə rep musiqisində özünəməxsus dəst-xətt formalaşdırmışdır. X 2014-cü ildə "Members Only" adlı anderqraund musiqi birliyini təsis etmiş, kollektivin digər üzvləri ilə birgə lou-fay və sərt 808 elementlərini özündə ehtiva edən trep musiqisi istiqamətində "SoundCloud" rep səhnəsinin tanınmış simasına çevrilmişdir.[6] X 2016-cı ildə "Look at Me!" adlı sinqlı ilə geniş auditoriya diqqətini cəlb etməyə müvəffəq olmuşdur.
X həyatı boyunca müxtəlif hüquqi problemlərlə qarşılaşmış, xüsusilə də 2016-cı ildə ona qarşı irəli sürülən zorakılıq ittihamları ilə bağlı mübahisələr diqqət mərkəzində olmuşdur.[7][8] Onun qanun pozuntuları və iddia edilən zorakılıq hadisələri ilə əlaqədar keçmişi bəzi şəxslər tərəfindən onun şəxsiyyətini müəyyənləşdirən amil kimi qiymətləndirilmiş, digərləri isə mediada onun obrazının həddindən artıq şişirdilməsini tənqid etmişlər. Şəxsiyyətindəki dəyişikliklər səbəbindən həyatının son dövrlərində onun həyat hekayəsi ikinci şansların və tövbənin gücünü əks etdirən bir nümunəyə çevrilmişdir.[9][10][11]
O, 2018-ci il iyunun 18-də, 20 yaşında ikən, Floridanın Dirfild-Biç şəhərində motosiklet mağazasından çıxarkən silahlı hücuma məruz qalaraq qətlə yetirilmişdir. Cinayətkarlar repçiyə məxsus, tərkibində 50 min dollar olan "Louis Vuitton" markalı çantanı ələ keçirdikdən sonra nəqliyyat vasitəsinə minərək hadisə yerindən yayınmışlar.[12] Hadisə ilə əlaqədar dörd şübhəli şəxs həbs edilərək, digər hüquq pozuntuları ilə yanaşı, birinci dərəcəli qətl törətməkdə ittiham olunmuşdur.[13] 2022-ci ilin avqust ayında təqsirləndirilən şəxslərdən biri, digər üç müttəhim əleyhinə ifadə vermək müqabilində ikinci dərəcəli qətldə iştirakını etiraf etmişdir. Məhkəmə prosesi 2023-cü il fevralın 7-də başlanılmışdır. 2023-cü il martın 20-də üç təqsirləndirilən şəxsin hər biri bütün ittiham maddələri üzrə təqsirkar hesab edilmiş və 2023-cü il aprelin 6-da şərti azadlığa çıxmaq hüququ olmadan ömürlük həbs cəzasına məhkum edilmişlər.[14][15][16]
X Amerika Birləşmiş Ştatlarında RIAA tərəfindən sertifikatlaşdırılmış 61 milyon ədəd və Böyük Britaniyada BPI tərəfindən təsdiq edilmiş 7 milyon ədəd satış həcminə nail olaraq, cəmi iki ölkədə 68 milyon sertifikatlı səsyazma satışı əldə etmişdir. Vəfatından sonra o, "Amerika" musiqi mükafatına və "BET Hip-hop" mükafatına layiq görülmüş, həmçinin 11 "Billboard" musiqi Mükafatına namizəd göstərilmişdir. Sənətçinin ölümündən sonra iki albom - "Skins" (2018) və "Bad Vibes Forever" (2019) işıq üzü görmüşdür. Bunlardan birincisi "Billboard 200" çartında ifaçının ikinci birinci nömrəli albomu, ikincisi isə ilk beşliyə daxil olan albomu olmuşdur.
Casey Dueyn Rikardo Onfroy 23 yanvar 1998-ci ildə Florida ştatının Planteyşen şəhərində Yamayka əsilli ilədə anadan olmuşdur.[17][18] Atası Bob Marlinin "So Jah Seh" mahnısından ilhamlanaraq ona bu adı vermişdir. X-in atası və babası rastafari dininə mənsub olmuşlar. O, anadangəlmə ürək qüsuru ilə dünyaya gəlmişdir. Bu səbəbdən onun boyu 168 santimetr hündürlüyündə qalmışdır. X 2017-ci ildə "The Beat" radiosuna müsahibəsində özünün Suriya, Hindistan və ehtimal ki, İtaliya mənşəli olduğunu qeyd etmişdir.[19]
X anasının fərdi xarakterli çətinlikləri səbəbindən əsasən nənəsinin himayəsində böyümək məcburiyyətində qalmışdır. O, nənəsi Kolett Cons ilə birlikdə Floridanın Pompano-Biç və Loderhill şəhərlərində məskunlaşmışdır. Altı yaşında ikən anasına qarşı zorakılıq törədən şəxsə bıçaqla hücum etməyə cəhd göstərmişdir. Bu insident nəticəsində o, davranış pozuntusu olan yeniyetmələr üçün təsis edilmiş xüsusi tərbiyə proqramına cəlb edilmişdir.[20] Daha sonra yenidən nənəsinin himayəsinə verilmişdir. Lakin ailənin yaxın əhatəsinə mənsub olan bir şəxs bıçaqla hücum hadisəsinin baş vermədiyini iddia etmişdir.
X azyaşlı olarkən əmisinin intihar nəticəsində həyatını itirmiş cəsədini aşkar etmişdir. O, yaradıcılığının müxtəlif nümunələrində bu hadisənin ona vurduğu psixoloji zədədən bəhs etmişdir. 2017-ci ildə X uşaq yaşlarında şəxsiyyəti məlum olmayan yetkinlik yaşına çatmış şəxs tərəfindən cinsi istismara məruz qaldığını bəyan etmişdir. X-in uşaqlıq illərində şahidi olduğu digər ağır hadisələr sırasına fiziki işgəncə və zorakılıq faktları da daxildir. Anasının ifadəsinə əsasən, azyaşlı olarkən atası tərəfindən sistematik şəkildə fiziki zorakılığa məruz qalmışdır. O, həmçinin X-in atasının dəfələrlə övladının gözü qarşısında onu da döyməyə cəhd etdiyini bildirmişdir. 2008-ci ilin əvvəllərində, X-in on yaşı olarkən, atası Narkotiklərlə Mübarizə İdarəsinin həyata keçirdiyi əməliyyat nəticəsində RICO (Reketir təsiri altında korrupsiyalaşmış təşkilatlar haqqında qanun) əsasında ittiham edilərək Arizonada doqquz il müddətinə azadlıqdan məhrum edilmişdir. X-in atası 2015-ci il oktyabrın 30-da Cəzaçəkmə Müəssisələri Bürosunun nəzarətindən azad edilmiş və 2016-cı ilin sonlarında Yamaykaya deportasiya olunmuşdur. 2017-ci ildə müsahibə zamanı atası ilə münasibətləri barədə verilən suala cavab olaraq X kinayə ilə "Ata nədir?" deyə qarşılıq vermişdir.[21][22][23]
X-in musiqi sahəsində ilkin marağı xalasının (və ya bibisinin) təşəbbüsü ilə məktəb xoruna, müvafiq olaraq kilsə xoruna cəlb edilməsi nəticəsində formalaşmışdır. Lakin digər şagirdə qarşı təcavüzkar davranışı səbəbindən qısa müddətdə məktəb xorundan uzaqlaşdırılmışdır.[24] Təhsil fəaliyyətini "Margate High School"da davam etdirən X, bir sıra fiziki münaqişələr səbəbindən təhsil müəssisəsindən xaric edilmişdir. Bundan sonra valideyni tərəfindən altı aydan artıq müddətə Şeridan Haus Ailə Nazirliyinə yerləşdirilmişdir. Həmin müəssisədə olduğu dövrdə rep, nyu-metal və hard rok janrlarına maraq göstərməyə başlamış, bu da onda piano və gitara alətlərini mənimsəmək həvəsi yaratmışdır.
X təhsilinin 10-cu sinfinə qədər olan dövrünü "Piper High School"da davam etdirmişdir.[25] Həmin dövrdə o, təhsil aldığı müəssisədə özünü yetərincə adaptasiya olunmuş hesab etmirdi. Təhsil müddətində sakit təbiətli və populyar şagird olmasına baxmayaraq, münaqişəli situasiyalara da cəlb olunurdu.[26] Uşaqlıq dövründə X-ə bipolyar pozuntu diaqnozu təyin edilmişdi. İdman fəaliyyətinə maraq göstərməyən X, məktəb illərində özünəinam əskikliyi və depressiv vəziyyətlərlə mübarizə aparmalı olmuşdur.
X-in ögey bacı-qardaşları arasında böyük bacısı Ariana və kiçik qardaşı Aiden olmuşdur.[27][28] X əvvəllər Florida ştatında rep ifaçısı Denzel Körri və musiqi prodüseri Ronny J ilə məskunlaşmışdır.[29] Vəfatından öncə o, 2017-ci ilin noyabr ayında 1,4 milyon ABŞ dollarına əldə etdiyi, Parklenddə yerləşən 6000 kvadratmetrlik malikanəyə köçmək ərəfəsində idi.[30] X həyatda olarkən sevgilisi Jenesis Sanchez ilə birgə yaşayış qurmuşdu. Onların üç pişiyi və iki köpəyi vardı.
X nüfuzlu hip-hop ifaçıları və musiqi sənətçiləri ilə sıx əməkdaşlıq münasibətləri qurmuşdu. Onun peşəkar və şəxsi əlaqələr dairəsinə Ski Mask the Slump God, Lil Uzi Vert, PnB Rock, Denzel Curry, Lil Yachty, Trippie Red, Juice Wrld və Billi Ayliş kimi tanınmış sənətçilər daxil idi.[31] Billi Ayliş sonradan mətbuata verdiyi açıqlamada bildirmişdi ki, X-in səmimi dəstəyi və təsirli məsləhətləri sayəsində həyatına son qoymaq fikrindən imtina etmişdir.[32]
Trippie Redd, X-a qarşı irəli sürülən ittihamlardan xəbərdar olduqdan sonra onunla əməkdaşlığına xitam vermişdir. X konsert çıxışlarının birində Trippie Redd-in onunla münasibətləri kəsməsinin səbəbini anladığını bildirərək qeyd etmişdir: "Keçmişdə layiqsiz davranışlara yol vermişəm. Lakin islah olunmaq üçün əlimdən gələn səyləri göstərmişəm". Buna baxmayaraq, X Trippie Redd-i hələ də "görkəmli ifaçı" kimi qiymətləndirdiyini bəyan etmişdir. İfaçılar birgə "Fuck Love" kompozisiyasının müəllifləri olmuşlar. Sonradan Trippie Redd İnstaqram sosial şəbəkəsində X haqqında keçmişdə səsləndirdiyi tənqidi fikirlərə görə üzrxahlıq etmişdir.[33][34][35]
2018-ci ilin fevral ayında X İnstaqram sosial şəbəkəsində təhsil həyatına geri dönməyə hazırlaşdığı barədə məlumat paylaşmışdır.[36] 2018-ci ilin mart ayında mərhum şəxs vəfatından öncə GED (Ümumi Təhsil İnkişafı) sertifikatını əldə etmək istiqamətində səylər göstərdiyini bəyan etmişdir. Eyni zamanda, o, icma kollecində təhsilini davam etdirmək niyyətində olduğunu da bildirmişdir.[37][38] Bundan əlavə, X psixoloji sağlamlıqla bağlı qarşılaşdığı çətinlikləri, xüsusilə depressiya ilə mübarizəsini ictimaiyyətlə bölüşmüşdür.[39][40]
X on doqquz yaşında olarkən sosial şəbəkə platforması Tvitterdə Ceysilin Floresin fotoşəkillərini gördükdən sonra ona qarşı romantik hisslər bəsləmiş və 2017-ci il mayın 1-də onunla ilk dəfə əlaqə yaratmışdı. Z, Floresi özünün "Revenge" adlı moda markası üçün modellik fəaliyyəti ilə məşğul olması məqsədilə Florida ştatına dəvət etmişdir. Florida ştatına gəldikdə hamı onu artıq model kimi tanısa da, əslində o, əvvəllər heç vaxt bu sahədə təcrübəyə malik olmamışdır. Həmin dövrdə X-in evində başqa bir qız da məskunlaşmışdı. Məlum olmuşdur ki, həmin qız əyləncə məclisindən geri döndükdə içərisində yeddi min Amerika dolları olan çantasının yoxa çıxdığını aşkar etmişdir. Bu hadisə ilə əlaqədar hər iki qız bir-birini ittiham etmişdir. X yaranmış mübahisəyə görə hər iki qonağın evini tərk etməsini tələb etmiş və Floresə verilən modellik təklifini də ləğv etmişdir. Flores bundan sonra Kokonut-Krik şəhərindəki "Hampton Inn" mehmanxanasında yerləşən mənzilə köçmüş və növbəti gün həyatını itirmiş vəziyyətdə aşkar edilmişdir. O, intihar etdiyi zaman on altı yaşında idi.
X "Jocelyn Flores" və "Revenge" adlı musiqi əsərlərini məhz Floresin xatirəsinə ithaf etmişdir.[41]
X fəaliyyəti müddətində ictimai-siyasi mövqeyini və şəxsi düşüncələrini cəmiyyətlə açıq paylaşmağa üstünlük verirdi. 2016-cı il prezident seçkilərində o, respublikaçı namizəd Donald Trampın əleyhinə mövqe tutaraq, Demokrat Partiyasından olan Berni Sandersin namizədliyini dəstəkləmişdir.[42][43][44] Sosial şəbəkədəki paylaşımlarının birində Donald Trampın qalib gəlmə ehtimalına narahatlığını ifadə etmişdir. O, Hillari Klintonun namizədliyinə də tənqidi yanaşmış, lakin Donald Trampın qələbəsini də məqbul saymamışdır. X-in fikrincə, Trampın qələbəsi azlıqların və aztəminatlı vətəndaşların hüquqlarının pozulması ilə nəticələnə bilərdi. Onun "Hate Will Never Win" və "Suicide Pit" adlı musiqilərində Donald Trampın siyasətinə qarşı tənqidi fikirlər öz əksini tapmışdır.[45][46]
X hesab edirdi ki, marixuananın qlobal miqyasda leqallaşdırılması dünyanı daha yaxşı məkana çevirə bilər.[47] O, həmçinin mövcud məhkəmə sisteminin afroamerikalılara qarşı qeyri-ədalətli olduğunu iddia edir və bu vəziyyəti köləlik dövrü ilə müqayisə edərək sistemdə islahatların aparılmasının vacibliyini vurğulayırdı.[48] X hərbi münaqişələrə qarşı mövqe tutaraq, 2017-ci ilin aprel ayında prezident Trampın Suriyaya qarşı həyata keçirdiyi hava hücumlarını sərt şəkildə tənqid etmişdi.[49]
Əvvəllər silah satışının tərəfdarı olan X, Parklenddəki "Stoneman Douglas" orta məktəbində baş vermiş silahlı insidentdən sonra bu məsələyə münasibətini köklü şəkildə dəyişdi.[50] O, silahların dövriyyəsinə nəzarət kampaniyası olan "Həyat naminə yürüş" ("March for Our Lives") təşəbbüsü üçün vəsait toplanması məqsədilə tədbirlər təşkil etdi və Parklenddəki faciə zamanı yaralanan Antoni Borxesi xəstəxanada ziyarət etdi.[51][52]
X 2016-cı ilin aprel ayında Adam22-yə verdiyi məşhur müsahibəsindən sonra kütləvi informasiya vasitələri tərəfindən homofobiyada ittiham edilmişdir.[53] Həmin müsahibədə X bildirmişdi ki, yetkinlik yaşına çatmayanlar üçün nəzərdə tutulmuş islah müəssisəsində olarkən, ona çılpaq vəziyyətdə baxdığı üçün homoseksual məhbusa qarşı zorakılıq aktı törətmişdir. X-in sözlərinə görə, "həmin şəxsi ölümcül şəkildə zədələyə bilərdi", lakin digər şəxslərin müdaxiləsi nəticəsində bunun qarşısı alınmışdır. X-in vəfatından sonra jurnalist Liz Lazzara "CNN" üçün hazırladığı məqalədə onu homofob kimi xarakterizə etmiş, sosial şəbəkə istifadəçiləri də analoji mövqe nümayiş etdirmişlər. Lakin X-in əməkdaşları və yaxın çevrəsi onun homofob olmadığını təkidlə vurğulamışlar.[54] X özü də digər müsahibəsində homofobiyadan uzaq olduğunu və eynicinsli nikahların leqallaşdırılmasını dəstəklədiyini bəyan etmişdir.[55] 2022-ci ilin noyabr ayında "The Fader" nəşrində dərc olunan 2017-ci il müsahibəsində X podkastda səsləndirdiyi hadisə barədə daha ətraflı məlumat verməli olduğunu etiraf etmişdir. O, həmin şəxsə məhz homoseksual olduğu üçün hücum etmədiyini bildirmiş və bu məsələyə aydınlıq gətirməməsindən təəssüfləndiyini qeyd etmişdir. X həmin hadisəni "gənclik və düşüncəsizlik" dövrünün nəticəsi kimi qiymətləndirmişdir. Transgender musiqi prodüseri Fifty Grand X-i xüsusilə sosial məsələlərdə proqressiv düşüncə tərzinə malik olduğuna və müsbət dəyişiklikləri dəstəklədiyinə görə təqdir etmişdir. Bir sıra transgender musiqiçilər X-in 2020-ci ildə nəşr edilən bioqrafiyasında onun transgender icmasına dəstəyini ifadə etmişlər. Onlar X-in transgender fərdlərə hörmətlə yanaşdığını və onları qəbul etdiyini vurğulamışlar.
2017-ci ildə X kanadalı musiqiçi Dreyk haqqında müsbət rəy bildirərək onu "dahi" kimi ifadələrlə tərifləmişdir. Lakin sonrakı müsahibələrinin birində X öz mövqeyini dəyişərək Dreyki kəskin tənqid etmiş və onu plagiatlıqda ittiham etmişdir.[56]
Dreyk DJ Semtex ilə müsahibəsində X tərəfindən irəli sürülən plagiatlıq iddialarına münasibət bildirmişdir. O, öz əsəri ilə digər musiqiçinin əsəri arasında müəyyən bənzərliklərin mövcudluğunu etiraf etmiş, lakin bilərəkdən plagiat etdiyini təkzib etmişdir. Dreyk vurğulamışdır ki, o, başqa sənətçilərin əsərlərini mənimsəyən şəxslərdən deyildir.
2023-cü ildə X-in qətli ilə əlaqədar məhkəmə araşdırmasına Dreyk də cəlb edilmişdir. Məhkəmədə Dreykin cinayətdə iştirakı ehtimalı nəzərdən keçirilmişdir. Bu ehtimalın yaranmasına səbəb X-in vəfatından dörd ay əvvəl onun İnstaqram hesabında yerləşdirilmiş və sonradan silinmiş məlumat olmuşdur. Həmin məlumatda "Əgər mən vəfat etsəm, bilin ki, bunu Dreyk etmişdir" ifadəsi yer almışdır. Lakin X sağlığında öz sosial şəbəkə hesabına qanunsuz müdaxilə edildiyini və həmin məlumatın onun tərəfindən paylaşılmadığını bəyan etmişdir.[57]
Studiya albomları
<ref> teqi; StruggleToMakeSense adlı istinad üçün mətn göstərilməyib
Asserting that rappers like XXXTentacion and Lil Pump are a lyrical disease on the genre because their songs aren't about serious topics is ridiculous—never mind the fact that XXXTentacion's album was about his struggle with depression, which I suppose wasn't deep enough when compared with J. Cole's 'Wet Dreamz.'
 |
 |
GECEMIZ.AZ |  |
 |
|